小型的食肆陸續進駐~
當中大部份為立食/外賣店，主打食品有炸物、壽司、台式飲品、泰國小食等等，等小編逐間試試有無伏！
第1站 - 豪園小食
由美食車殺入地鋪，豪園小食依舊主打單骨雞翼，即叫即炸金黃香脆。
原味（$18）以外，小食店另有售賣車打芝士（$25）、蒜醬豉油（$22）口味，還有每日限量的鹹蛋黃脆脆一字雞翼（$28），每份6隻。
炸雞翼沾滿鹹蛋黃，食落極之惹味，叫人食完一隻到一隻。
另有咖哩魚蛋、撈麵、豬扒包等小食，水準同樣甚高兼價位親民。
第2站 - Smuki
主打泡芙脆條的Smuki 亦都攻入將軍澳區，泡芙同樣在店內新鮮出爐，香氣逼人。
泡芙似曲奇皮，頗鬆化；期間限定的榴槤口味再度登場，內裡吉士濃郁滑溜。
新出的香蕉味味道則不太天然，略甜，不特別推薦。
第3站 - 籠町茶番
過江龍籠町茶番於美食街也設有分店，人氣烤麻糬串外，最新推出香港獨有的炸麻糬。
麻糬炸至金黃，較烤麻糬串有嚼勁；蘸上花生或配搭四重芝士醬料，甜食/鹹食一樣好味。
分店亦有供應季節限定的芋圓仙草（$25），加上芋頭粒格外甘甜，想暖胃一點的話可加薑汁（加$3）。
第4站 - 鮪世市場
現正試業的壽司店鮪世市場，暫時只供應壽司和刺身，食材每日由日本直送很新鮮。
師傅特別推介店內原條切的拖羅，入口數秒就融化，而且非常鮮味。
海膽刺身和特大赤海蝦壽司的質素亦不錯，海膽清甜不腥，海蝦亦都幾鮮甜。
較親民的選擇則有三文魚籽軍艦、油甘魚壽司，燒玉子等等，立食店不久將來更會推出魚生飯，密切留意。
第5站 - 檸檬葉屋
同場亦有一間泰國菜外賣店，由於串燒並非即叫即燒，不夠熱，肉質亦較乾幸好有沙嗲汁搭救。
芒果糯米飯（$35）中規中矩，芒果頗甜，勝在份量頗足。
第6站 - Snacks Factory
Snacks Factory集經典及創意小食，有芝士肉醬腸粉、泡菜肉醬腸粉及黑松露碗仔翅等 。
第7站 - 大哥大魚旦
「大哥大魚旦」魚蛋($15)粒粒爽口彈牙，香口夠惹味。
蘿白牛雜 ($25)
鮮果茶($22)
第8站 - Gourmet Tasty
「Gourmet Tasty」則有多款台式小食，包括手抓餅、鹽酥雞及紅豆芋圓豆花($25)，猶如置身在台灣夜市。
第9站 - 中東風格
「中東風格」有多款美饌，如中東卷及雜錦海鮮薄餅等。全部由正宗中東師傅炮製，大家可以品嚐到最地道的滋味。
烤雞肉薄餅 9吋($58)、12吋($72)
烤雞卷 ($42)
【精選推介】
活動資訊
- 人均消費$50或以下
- 地點
港生活
U Lifestyle自家節目登錄《U TV》專區！
↓↓試玩、試食、試用影片任您睇↓↓
免費睇《2021郊遊特輯》
↓即睇各類郊遊好去處、穿搭提案及輕食食譜！↓
評語